Iron man 無敵鉄人

Marvel另一傳奇英雄，近排睇得太多科幻片，今次老實講無乜太大期望，但導演Jon Favreau找來Downey演Iron man，應該係貪佢嘅演技同資歷，話說Tony Stark係天才發明家同時亦係軍火商人，加上好飲兩杯兼爛滾，簡直是花花公子一名。

因一次意外被恐怖分子綁架，在心口殖入核子定位引爆裝置，無情情咁比佢有super power，不旦至自己design套甲乸衣，而且重曉飛，快過s22隱型戰機，都咪話唔巴閉。但係同敵人吵大鑊時，人有三急點算？

不過主角background太似Batman，有心理準備打過五折入場穏陣D。話是話點解美國的漫畫英雄除了Hulk之外，全部都識幫自己design uniform，唔通上過時裝設計課程？

Jumper

已經很久沒看電影，星期天和旦散去看Jumper，每位觀眾入場前都會對所選擇的戲有期望，但萬萬想不到此片如此爛，以下是我和旦散的對話：

入場前

旦散：套戲如果唔好睇為你是問！

筆者：唔。

中場

旦散：妖，D人成日閃出閃入都唔知做乜？睇到眼都花。

筆者：唔。

旦散：妖，又唔交代捕擸者組織背景，又唔交代他們點解咁有power，點解可以自出自入，例如銀行、警局和案發現場，但又無人質疑身份。

筆者：唔。

旦散：妖，男主角Hayden Christensen無演技又唔靚仔，女主角Rachel Bilson又無波，又無籮！Samuel L. Jackson好似做番Jedi，Diana Lane咁好演技，出得咁少，真係捉鹿唔識脫角。笨旦！

筆者：唔。

旦散：妖，佢哋就好啦，周遊列國，去邊到都得，自己又無份。

筆者：唔。

散場

旦散：妖，淨係識得「唔」，你無嘢呀？

筆者：無，只係覺得「我好天真，我好儍。」唔應該帶妳睇。

旦散：妖，你即係串我啫，妖！

筆者：唔咁，但係我好想即刻Jump。

Indiana Jones & The Kingdom of the Crystal Skull

期待以久的Indiana Jones IV終於有機會等到，Harrison Ford是我喜歡的演員之一。今次內容走action+adventure路線，並非單純講考古和歷史。

回想由第一套開始已很喜歡，尤其開場大石滾下追逐那幕，更是經典，雖然導演George Lucas拍攝手法有時過於保守，但加上Steven Spielberg，以經是入場保證。

另外一齣是10,000BC，導演是Roland Emmerich，Independence Day & The Day after Tomorrow便是出其手筆，他善於拍攝大場面，看了trailer後，真是希望快d到夏季。